هو ايه عقوبة اللي بيخطفوا الأطفال الرضع من المستشفيات؟ بجد حاجة ترعب

بصراحة أنا بقيت خايفة جداً من الأخبار اللي بنسمعها كل شوية عن خطف الأطفال الرضع من جوه المستشفيات. يعني لسه من فترة قريبة كنا بنتابع حادثة البدرشين، لما ست دخلت المستشفى ولابسة بالطو أبيض وعاملة نفسها ممرضة، وراحت لأم لسه والدة وطلبت منها تاخد الطفل بحجة إنها رايحة تعملو تحاليل، وفجأة اختفت بالولد! وطبعاً قبلها كان في حادثة مستشفى أبو الريش المشهورة اللي برضه ست عملت فيها نفس الحوار بالظبط. اللي مجنني إن الناس دي بيبقى مبررهم في التحقيقات أحياناً إنهم مابيخلفوش وعايزين طفل يربوه! طب وذنب الأم اللي لسه والده وتعبانة دي إيه إن قلبها يتحرق بالشكل ده؟ سؤالي هنا للناس اللي دارسة قانون، هو مصير الناس دي إيه في القانون المصري؟ يعني هل بتتعامل معاملة الخطف العادي وبتوصل للمؤبد مثلاً؟ ولا عشان الست بتدعي إنها مابتخلفش وإن هدفها "التربية مش التجارة"، القاضي ممكن يعتبر ده عذر ويخفف عنها الحكم؟ ياريت حد يوضحلي العقوبة في الحالات اللي زي دي بتكون إزاي بالظبط، لأن الموضوع ده بجد مرعب لأي أم ومحتاجين نفهم القانون بيعاقبهم إزاي.